اجمل التهاني بمناسبة رأس السنة الميلادية 2014 وعيد الميلاد المجيد

facebook

Missing Plug-in  جهازك لا يحتوي على برنامج مشاهدة الأفلام بجودة عالية HD
X
 

العودة   منتديات سهر الليالى > الادب و عالم الرومانسية والشعر والمدونات > القصص والرويات والحكايات
التسجيل التعليمـــات التقويم البحث مشاركات اليوم اجعل كافة الأقسام مقروءة

القصص والرويات والحكايات قصه،قصص،قصص حب ،قصةحب،قصص بوليسية،قصص حزينة،قصص رومانسية،حواديت المنتدي

مواضيع ذات صلة
تحميل جميع حلقات مسلسل فاطمة من الحلقة الأولى الى الحلقة الاخيرة
حلقات مسلسل ماري تشوي - تحميل ومشاهدة المسلسل مارى تشوى 2012
صور ابطال مسلسل ميرنا وخليل 2011
صور ابطال مسلسل الزهراء البيضاء + صور رمزية للماسنجر 2012
مشاهدة مباشرة دون تحميل لجميع حلقات مسلسل ميرنا وخليل مدبلج

يوميات شاب مسلم (مسلسل ديني)

 
أدوات الموضوع انواع عرض الموضوع
  1  
يوميات شاب مسلم (مسلسل ديني)

اضغط هنا لنشر ومشاركة الموضوع على الفيس بوك SHARE









يوميات شاب مسلم (مسلسل ديني)




يوميات شاب مسلم ( مسلسل ديني )



قررت انى ان شاء الله انقل لكم حلقات مسلسل جميل جدا


حكاياته من الواقع اللى احنا عايشينه
وبجد ممكن يكون اى حد مننا بطل فى القصه
مش حطول عليكم اوى
دى مقدمه المسلسل


( يوميات شاب مسلم )


ابتلينا فى عصرنا هذا بالمسلسلات فتجد انه قل ان يكون بيت لايتابع فيه احد افراده مسلسلا بأنتظام ويرون أنه للتسلية أما أصحاب الفكر الراقى فيقولون أنه إفاده وتغزيه للعقل وغير ذلك مما تعرفونه ...


فكرت ان يكون لنا نحن مسلسلا خاصا بنا لكنه مسلسل بشكل اخر..



ملخص المسلسل للدعاية:

قصة حياة شاب ملتزم قد تراه قدوة لك فهو مثالى الى ابعد مانتخيل لكنه فى ذات الامر واقعى جدا سيمر بما نمر عليه جميعا من فتن ومشاكل سيحب ويكره ويغضب ويفرح وسنرى كيف سيعالجها فهو شاب كالشباب وسنرى ماذا يفعل فى مشاكل الشباب وما أدراك ما مشاكل الشباب ..


القصة ليست خيالية بل هى واقعية جدا قد تجد او تجدى تشابها كبيرا بينها وبينك فى كثير من أجزائها

يوميات شاب مسلم (مسلسل ديني)


شخصيات المسلسل :

بطلنا الهمام : عبد الرحمن
والد عبد الرحمن
والدة عبد الرحمن
اخت عبد الرحمن : عائشة
صديق عبد الرحمن : محمود
صديق عبد الرحمن في الجامعه : محمد
صديقة عبد الرحمن : نورهان
الشاب القدوة : معاذ
والد معاذ
اخت معاذ : ساره
صديق معاذ : عبد الله


يوميات شاب مسلم (مسلسل ديني)


ملحوظة :
الموضوع يغلق الى الانتهاء من رصد حلقات المسلسل
ارجو منكم عدم الردود الى ان انتهي من الموضوع




للمزيد من مواضيعي

 

الموضوع الأصلي : يوميات شاب مسلم (مسلسل ديني)     -||-     المصدر : سهر الليالي koko55.net     -||-     الكاتب : وردة الياسمين
Rating Artikel : 5 Jumlah Voting : 89 Orang

من مواضيعى
ما معنى الحديث: إن الرقى والتمائم والتولة شرك ؟
تطبيقات اسلامية للفيسبوك Facebook
حدود النظرة الشرعية للخاطب المقبل على الزواج
مشاهدة اهداف السودان و أنجولا في دور المجموعات ( كأس الأمم الإفريقية 2012 )
برنامج المؤقت
بث مباريات العرب بكاس امم افريقيا بدون تشفير 2012
كأس الأمم الإفريقية في السنوات الفردية
كيفية اداء الصلاة الصحيحة
حكم بدأ الكفار بالسلام ؟؟؟؟
الحج عن الغير
أزمة متعب تبعده عن حسابات المنتخب
دعاء اليوم
طــريــقـه اضــافــة ثــيــمــات Messenger
مشاهدة اهداف كوت ديفوار و السودان في دور المجموعات ( كأس أمم الإفريقية 2012 )
أبو تريكة جاهز للتدريبات .. وعودته للمباريات مع 15 فبراير
مفتى السعودية : التعرض لدور العبادة أخطر الاعمال التى تثير الفتن
قرعة تصفيات كأس الأمم الإفريقية 2012
شــروط و اركــان و واجــبــات الــصــلاة
رسائل وسائط اسلاميه
في رحاب آيه

facebook
  2  
رد: يوميات شاب مسلم (مسلسل ديني)










الــحــلــقــة الاولــى


*** عـلـى بـوابـة الألـتـزام ***



فى احدى شوارع الأسكندرية تقف عمارة شامخة آيلة للسقوط كما هو الحال مع كثير من عمارات مصرنا المحروسة وفى إحدى طوابق هذه العمارة تسكن أسرة مصرية بسيطه تتكون من خمسة افراد ...



بطلنا الهمام : عبد الرحمن
والد عبد الرحمن
والدة عبد الرحمن
اخت عبد الرحمن : عائشة




الساعة الثامنة صباحا


ام عبد الرحمن : قوم ياابنى تعبتنى معاك اول يوم فى الكلية ومش هتروح
عبد الرحمن : حاضر ياماما قايم اهه ربع ساعه بس
ام عبد الرحمن : خلاص براحتك انا زهقت منك تروح ماتروحش انت حر


بعد نصف ساعة






عبد الرحمن : صباح الخير ياست الكل
ام عبد الرحمن : اهو هو ده الى واخدينه منك روح الكلية بقى مش من اولها كده
عبد الرحمن : حاضر اعتبرينى روحت خلاص


بعد ساعة من اللكاعه نزل من البيت


أنتظر الاتوبيس طويلا وفى النهاية أتى الاتوبيس لكن بعد ان

قضى وقتا ممتعا من الافأفة ( اف اف ) ركب عبد الرحمن الاتوبيس وماأكثر الزحام وطبعا واحده متأخرة ومتعصبه وهى رايحه الشغل وواحد مراته واخده منه مصروف البيت ومنكده عليه على الصبح ومتخدش فى بالك طبعا اللى قاعدين على الكراسى فكلهم طالعين رحلة لا ينزلون إلا فى نهاية الخط


المهم انتهت معركة الاتوبيس بالفوز المبين ووصل للكلية


حينما رأى سور الجامعة عادت به الذاكرة الى الوراء شهورا ياااااااااااااااااااااه خلصنا خلاص من الثانوية العامة وتعبها اخيرا دخلنا الكلية أهى هيه دى الحرية ولا بلاش أخيرا هنعشها صح



خطى اولى خطواته داخل الجامعة وعلى البوابة....



الحارس : اين الكارنيه ؟
عبد الرحمن : انا لسه سنة اولى
الحارس : طيب وياريت تبقى تعمله ماتنمش عليه

دخل عبد الرحمن وهو بيقول : هو ماله الأخ فى حد مزعله ؟


ظل يبحث طويلا عن جدول المحاضرات ليدونه فوجده اخيرا ودونه فهو لا يعرف احد فى الكلية فالشلة الكريمه بتاعته غالبهم لم ينجحوا و الجزء الاخر التحقوا بمعاهد خاصة ،، وصل عبد الرحمن الى المدرج وجلس الساعة الأن 12: 30 دقيقة بدأ الدكتور فى الترحيب بهم وخلاف ذلك مما يتحدث فيه الدكاتره اول يوم



وفجأة إرتفع آذان الظهررد: يوميات شاب مسلم (مسلسل ديني)



لم يهتز لعبد الرحمن طرف( فهو بعد لم يلتزم )


حدثه احد الاخوة بجواره يبدو عليه الالتزام : الن تصلى يا اخي
ضحك عبد الرحمن : طيب والمحاضرة ؟
احد الاخوة : هنستأذن ونرجع على طول
عبد الرحمن : امممممممم اصلى مش متوضئ
احد الاخوة : تعال ننزل ونتوضئ من مسجد الكلية
عبد الرحمن : معلش اتفضل انت عشان ماضيعش المحاضرة



آل يعنى الولا هيقطع نفسه مذاكرة من أول يوم



احد الاخوة : براحتك بس عايز اقلك حاجه النجاح يبدأ من المسجد ربنا يهديك
وقال عبد الرحمن فى نفسه : هو فيه ايه؟ ليه كل ده؟ ماعلينا



انتهت المحاضرة وعاد عبد الرحمن للبيت



الام : اهلا ياعبد الرحمن اخبار الكلية ايه ؟
عبد الرحمن : كويسه
الام : مالك فى حاجه
عبد الرحمن : لا عادى هاتيلى اكل


اتغدى عبد الرحمن ودخل لينام تقلب على السرير بعض الوقت يشعر انه مخنوق أهو هتقول إيه فاضى بأه لايعرف لماذا هذا الشعور الح على نفسه بالنوم لعله يستيقظ وقد ذهب عنه الذى يجده فى صدره ..



استيقظ بعد ساعات ولم يذهب مابه



فقال عبد الرحمن : بدهاش أقوم احسن أفتح النت



قضى الليل كله امام النت وقبل الفجر بساعة نام ولتشتكى يافجر من عبد الرحمن وفى الصباح حان وقت الكلية وحانت ايضا معركة الاستيقاظ بعد نهاية العراك استيقظ وهو متأفف ولا يطيق أن يحدثه أحد ،،، ذهب للكلية ودخل المدرج ولم يلتفت حوله لانه بعد لم يستيقظ من النوم ..


نبهه اخ بجواره بقوله : السلام عليكم يااخى انا محمد وانت؟

فقال عبد الرحمن : عبد الرحمن
محمد :ماشاء الله اسمك جميل جدا ماتتصورش انا بحب اسم عبد الرحمن أد إيه معناه حلو اوى من الرحمة واحنا محتاجين للرحمة جدا فى أيامنا الوردى دى
عبد الرحمن : بدى عليه علامات التعجب ولا جواب!!!
محمد : انت مضايق عشان انا بكلمك ولاحاجه
عبد الرحمن : لا انا مضايق لوحدي
محمد : طيب ممكن نبقى اصحاب وتفضفضلى ؟
عبد الرحمن : ممكن نبقى اصحاب!!!
محمد : طيب ممكن تأخد منى الشريط ده عربون صداقة
عبد الرحمن : أخذ منه الشريط ولم ينظر حتى فى اسم الشريط


وحان وقت صلاة الظهر



محمد : يالا يابطل ننزل نصلى اكيد لما تصلى هتبقى تمام

عبد الرحمن : هبقى تمام ازاى يعنى؟
محمد : لأن الله عز وجل قال ( ألا بذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا

عبد الرحمن : ايوه ونعم بالله




نزل عبد الرحمن مع محمد وهو طبعا مبلم مش فاهم إيه الحكاية لماذا يريد هذا الشاب أن يصاحبنى هو يعرفنى منين وعايز ياترى منى إيه




ونزلا الى المسجد وعند دخولهم للمسجد وقع عين عبد الرحمن على شئ غرييييييييييييييييييييب جدا أتفجع أول ما شافه



ياترى ما هو؟؟؟؟؟؟؟؟؟؟؟؟؟


ياترى ماذا سيحدث لعبد الرحمن

وإيه الشىء الغريب ده

إنتظرونا فى الحلقة القادمة




من مواضيعى
الشيخ محمد حسان ينقل رسالة الشيخ ابو اسحاق الحويني لجميع المسلمين
دمـــعـــه ثـــمـــنـــهـــا الـــجـــنـــه
خطة تعاون بين "البترول" و"الكهرباء" لحل أزمة انقطاع التيار
صور أتوبيس الزمالك المحطم ببورسعيد 2011
أحـدث جـوالات 2010
متعب يشارك في تدريبات الأهلي .. وإصابة فاروق
ايطاليا واسبانيا تتأهلان للدور النهائي من بطولة كاس امم اوروبا 2012
لعبة توصيل المواسير
وصـــــف الـــــنـــــار
10 بنود تنظيميه في اقامة جميع المباريات بحسب لوائح الفيفا
اداب الطعام
ترتيب الانبياء واعمارهم واماكن دفنهم
ثمن نهائي كأس مصر بلا مفاجآت .. وإثارة منتظرة في دور الثمانية
دعاء اليوم
المسابقة الرمضانية ( الجزء الثاني )
لماذا حرم الإسلام تبرج المرأة ؟
من قصص الصالحين "صفية بنت أبي عبيد (من الصالحات العابدات)"
الجزائر تعبر كوت ديفوار للدور قبل النهائي
مـعـانـي جـمـيـلـه
بشائر تدل على حسن الخاتمة

facebook
  3  
رد: يوميات شاب مسلم (مسلسل ديني)






الـــحـــلـــقـــة الـــثـــانـــيـــة


*** الــخــطــوة الأولــى ***


خطى عبد الرحمن أول خطوة له فى المسجد ... بخطوات ثقيلة ولا يذكر آخر مرة دخل فيها المسجد متى كانت دخل بعد طول غياب ... دخل بصمت وسكون عجيبين لكن قطع كل هذا أن وقعت عينه على مشهد لم يره من قبل ...


** رأى شاب مضيئ الوجه **


يكاد ينير القمر فى وجهه رغم أنه لم يكن أبيض البشرة كثيرا ، إلا أن وجهه يشع كان يقرأ فى مصحف ويبدو عليه الخشوع والتأثر جدا ، حتى انه قد انحدرت من عينيه على خديه دمعتان تصف ما حلّ به من تأثر فما أن رأى عبد الرحمن وجه هذا الشخص حتى تعلقت عيناه به ، وكأنه مكتوب عليه ممنوع اللمس ..


وحينها دار فى عقل عبد الرحمن : ياترى مين الواد ده إيه النور ألى فى وشه ده ؟؟


كان أمرا غريبا لم يره من قبل وما زاده اندهاشا هو أن الشاب رفع عينيه من المصحف ونظر إليه ومع ماهو فيه من تأثر إلا انه تبسم له ابتسامة جميلة زادت من وجهه نورا على نور


تعجب
عبد الرحمن فقال : هل هو يعرفني ؟
لا أنا لم أره من قبل إذا فلماذا يبتسم لي وهو على هذه الحالة ؟


لم يكن يعلم عبد الرحمن إن تلك الأبتسامة بمثابة ترحيب له ..
بل لم يكن يعلم أنها ستكون سبب هدايته


وفجأة !!!


قطع الصمت .. صوت الإقامة فانتبه عبد الرحمن أن صديقه محمد كان يحدثه كل تلك الفتره إلا أنه لم يسمع منه كلمه واحدة .. ثم وقفت الصفوف للصلاة .


فتعمد الأخ صاحب الوجه المضيء أن يقف بجوار عبد الرحمن ولم يكلمه وضحك : كبروا للصلاة .. كبر عبد الرحمن للصلاة .

يااااااااااااااااااه

رد: يوميات شاب مسلم (مسلسل ديني)

شعر عبد الرحمن بشىء غريب يسرى فى جسده هل السبب لأنه لم يصل من زمن فات ، أم لأن جسده يلامس جسد ذاك الشاب الغريب ، وكأنه قد لامس سلك كهربا ، لم يخشع عبد الرحمن فى الصلاة كما ينبغي إلا انه لما انتهى من الصلاة شعر بشعور غريب فى قلبه لم يعرف وصف هذا الشعور اهو أرتياح ام ماذا .. المهم .. لما انتهت الصلاة ..


سلم عليه
الاخ وقال له : السلام عليك انت جديد فى الكلية ؟

عبد الرحمن : ايوه
الاخ : مرحبا بك معنا . ما شاء الله وشك منور ياريت ماتحرمناش نشوفك فى المسجد ، أحبك فى الله
ضحك عبد الرحمن فى عقله وقال فى سره : أما أنا وشى منور أمال هو وشه فى إيه ماس كهربى
ثم قطع محمد تفكيره مرة أخرى وقاله : ايه ياعبد الرحمن مالك ؟
عبد الرحمن : لا أبدا هو مين ده ؟
محمد : ده الشيخ معاذ
أخ نحسبه على خير فى سنة ثالثة ، خير انت بتسأل عنه ليه ؟
عبد الرحمن : لا أبدا بس اصله كلامه حلو اوى .
محمد : ايوه .. هو ماشاء الله عليه مشهور بحسن خلقه غير كدة مولعها فى الكلية دروس ودعوة وقرآن مبيفوتش ثانية عقبالك وعقبالى كدة أما نكون زيه
عبد الرحمن : هو ينفع يعنى ان انا اروح اكلمه واقوله انى عايز اتعرف عليه ؟
محمد : ايوه اكيد
عبد الرحمن : ولابلاش مش لازم النهارده
محمد : ليه ؟
عبد الرحمن : مش عارف مش مهم خليها بكره

محمد : طب إيه رأيك تدينى رقم تليفونك عشان أبقى أطمن عليك
عبد الرحمن : أه طيب أتفضل أهو "............"


استحي عبد الرحمن ان يذهب ليحادث معاذ فقد شعر فى نفسه انه لايصلح ان يحادث هذا الشاب الصالح حس بفرق كبير بينهم


خرج عبد الرحمن من المسجد ليعود الى المحاضرة ..


ثم حان وقت عودته للبيت فخرج ليركب المواصلات لم يشعر هذا اليوم بزحمة السير فقد كان باله شارد ولم يستفق الا وهو يضع المفتاح فى باب المنزل ويدخل ..


عائشة اخته : اهلا اهلا استاذ عبد الرحمن عاش من شافك بتنام والناس صاحيين وتصحى والناس نايميين
عبد الرحمن : إيه يا خفة أبعدى عنى دلوقتى عشان الموضوع مش ناقصك


ثم أبتسم إبتسامة جميلة


عائشة : خير ايه ايه الهدوء ألى نزل عليك فجأة ده ؟ حد مزعلك؟
عبد الرحمن : لا مافيش
عائشه : طيب تتغدى
عبد الرحمن : لا هدخل اريح شويه لانى تعبان
عائشه : طيب استنى اتغدى ونام
عبد الرحمن : لا مش قادر اصل انا تعبان
عائشة : طيب روح نام


دخل عبد الرحمن لغرفته وبدل ملابسه واستلقى على السرير وكل مرة يحاول ينام وميقدرش من الملل ألى هو فيه والحياة الروتينية ألا أن تلك المرة لم ينم لأنه مازال يذكر ذلك الوجه يا ترى فى حد فى الأيام دى زيه كده إيه الناس دى ياترى بيعملوا إيه ..


وسعتها سمع صوت غريب جوة نفسه بيقوله : أنت مالك ومال الناس دى ياعم دى عالم واصلة
قال عبد الرحمن : بس الشيخ معاذ دا صغير مش أكبر منى بكتير يعنى

يييييييييه أنا هقرف نفسى والا إيه سيبك بأه وخلينا ننام شوية .


وما أن قاربت عينه على النعاس الا وايقظها صوت كأنه اول مرة يسمعه


الله اكبر .. الله أكبر .. الله أكبر .. الله أكبر .. اشهد ان لا اله الا الله .. اشهد ان لا اله الا الله .. اشهد ان محمدا رسول الله .. اشهد ان محمدا رسول الله .. حى على الصلاة .. حى على الصلاة .. حي على الفلاح .. حي الفلاح .. الله أكبر .. الله أكبر .. لا اله الا الله


الصلاة انها صلاة العصر هل ستدفع شيطانك يا عبد الرحمن وتقوم لتؤدى صلاة العصر ؟ ام ان الايمان فى قلبك لم يزل اضعف من محاربة الشيطان ؟ لكن عينه غلبته للنعاس فنام ..


نام وياريته لم ينام
ياترى إيه اللى هيحصل وهو نايم
ومكانش عايزه يحصل....؟؟؟


تابعونا فى الحلقه القادمة






من مواضيعى
إيتو ودروجبا وإيسيين في القائمة النهائية لأفضل لاعب إفريقي
avast antivirus 4.8
جدول امتحانات الفصل الدراسي الاول لجميع المراحل بمحافظة القاهره، 2012
سؤال جبريل النبي صلى الله عليه وسلم عن الإيمان والإسلام
مفوضية الاتحاد الأوروبى بالقاهرة تصف مقتل خالد سعيد بـ"الواقعة المؤسفة"
فـتـوى بـخـصـوص الـجـنـائـز
جـولـه سـيـاحـيـه الـى ايـطـالـيـا
كاديلاك 2011
جنة الاخلاق
وصول جثمان الأمير سلطان يرحمه الله، 24/10/2011
تعادل المغرب أمام كوت ديفوار 2\2 فى تصفيات المونديال 2014
قارىء مغربي صوته ما شاء الله جميل جدااا
تـفـسـيـر آيـة 286 مـن سـورة الـبـقـره
الجزائر لم تسجل اي هدف منذ الخسارة برباعية من مصر
برشلونة فى نصف نهائى كأس أسبانيا على حساب الريال، 2012
نتيجة امتحان الثانوي الازهري 2011
إستقالة حسام البدرى عن تدريب النادى الأهلى
جمال حمزة ينضم رسميا للنادي الاهلي
كيفية ادراج خاصية ( mms + sms + مزاجي )
نتائج المرحلة الثانية النهائية لانتخابات مجلس الشعب بمصر2011

facebook
  4  
رد: يوميات شاب مسلم (مسلسل ديني)





الـــحـــلـــقـــه الـــثـــالـــثـــه



*** الـــصـــلاة ***


نام عبد الرحمن وراحت عيناه فى النوم من كثرة التفكير وإذا وهو نائم يرن جرس التليفون ذهبت الأخت الصغيرة عائشة لترد ..


عائشة : ألو
المتصل : السلام عليكم
عائشة : وعليكم السلام مين معايا
المتصل : أنا محمد صاحب عبد الرحمن فى الكلية كنت عايزه فى حاجه وقلت ألحقه قبل ما يصلى
عائشة : يصلى !!! عبد الرحمن يصلى !!!
محمد : طب هو موجود
عائشة : هو نايم
محمد : طيب أما يصحا قوليله أنى أتصلت بيه
عائشة :
طيب !!!!!!!


ومرت ثلاث ساعات وقام عبد الرحمن من النوم


عبد الرحمن : ماما حطيلى أكل
الأم : أنت مكلتش لما جيت من الكلية
عبد الرحمن : لأ مكانش لية نفس
الأم : طيب أنا هصلى المغرب وحطلك
عبد الرحمن : ماشى


ودخل عبد الرحمن فوجد أخته عائشة قدام التليفزيون


عبد الرحمن : أنتِ موراكيش حاجة
عائشة : لأ أنا قاعدة فى مانع؟؟
عبد الرحمن : قومى ذاكرى
عائشة : خلصت مذاكرة صحيح فى واحد أتصل بيك اسمه محمد
عبد الرحمن : محمد !!! وكان عايز إيه
عائشة : معرفش مقالش لكن دا قالى أنه كان عايز يلحقك قبل ما تصلى أنت بتصلى من ورانا ولا إيه
عبد الرحمن : أنتى هتفتحيلى محضر وبعدين أنتى فاكرانى كافر مابصليش ولا إيه


ثم جاء صوت من الخلف وكان صوت والد عبد الرحمن


والد عبد الرحمن : طب كويس أن أنت عارف أن ألى مبيصليش يبقى كافر
عبد الرحمن : يووووووووووووووه أنا داخل أفتح الكمبيوتر
الأم : مش هتاكل
عبد الرحمن : ملياش نفس


دخل عبد الرحمن حجرته وقفل على نفسه وقعد يفكر شوية


وجاء اليوم الثانى وإذا بمحمد فى وشه أول ما عبد الرحمن شافه حاول يتجنبه ويعمل نفسه بيكلم واحد صاحبه إلا أن محمد جاء وسلم عليه ولا كأن حاجة حصلت ثم ..


محمد : أنا رايح أصلى الضحى تيجى معايا
عبد الرحمن (بصوت مرتفع) : بص أنا مبصليش
أبتسم محمد وقاله : طيب وماله مش أنت مسلم واسمك عبد الرحمن
عبد الرحمن : أه
محمد : طيب يعنى ممكن تصلى فى أى وقت


شعر محمد بالأحراج أمام صاحبه ولم يعرف ماذا يقول ..


احمد : أنا رايح أتوضى تيجى معايا ، المحاضرة الأولى أتلغت بيقولو الدكتور مش جاى ، أهم الدكاتره كده يجوا فى أول شهر وأحنا نيجى فى آخر شهر ونحتاس هتيجى معايا ؟؟؟
ضحك عبد الرحمن وقال : ماشى


ذهب الأثنين لمسجد الكلية للوضوء وبدأ كل واحد منهم بالوضوء لاحظ محمد بعض الأخطاء فى وضوء عبد الرحمن


فقال احمد : عبد الرحمن ممكن أقولك حاجة ولا هتزعل مني ؟؟
ضحك عبد الرحمن : قول فى إيه
محمد : بص ياسيدى أنا بس عايزك ترتب أركان الوضوء عشان الترتيب فرض يعنى ممكن أنا أنسى أتمضمض لكن وضوئى صحيح لكن لو مرتبتش الوضوء يبقى الوضوء غير صحيح وبالتالى هتبوظ الصلاة
عبد الرحمن : طيب وأرتبهم ازاي
محمد : بسيطة خالص
أول حاجة تقول بسم الله ودى سُنة وبعد كده تغسل كفك 3مرات وخلى بالك كفك مش أيدك كلها وبعدينتتمضمض 3 مراتوتستنثر 3 مرات ودول يا سيدى سُنه برضه وبعد كده تغسل وشك 3 مرات وخلى بالك خلى المية تيجى على وشك كله تلاقى البت من دول تغسل وشها وخايفة تبل الطارحة والمية لا تصل لكل الوش وده كله غلط
عبد الرحمن : سيبك من البنات خلينا فى الصبيان وبعدين كمل
محمد : بعد وشك ودا طبعا فرضتغسل أيدك لغاية الكوع
ويستحسن تبدأ باليمين3 مرات وبعد كده تبلل يدك لتمسح رأسك من الأمام للخلف ودى فرض ومعاها أذنك من الظاهر والباطن ودى سنة والأثنين مرة واحدة وفى الأخر تغسل رجلك للكعبين ثلاثا
عبد الرحمن : بس أنا ممكن أمسح على الشراب مش كده
محمد : أه طبعا لو كنت لبسه على وضوء
عبد الرحمن : بس أنا مش متوضى
محمد : يبقى لازم تقلعه يا بطل
عبد الرحمن : طيب متشكرين على وجع القلب ده ممكن أتوضى
محمد : أتفضل هو أنا حايشك


أنتهت معركة الوضوء التى كانت تشبه معركة إستيقاظ عبد الرحمن وذهب الأثنين للمسجد وأول مادخل عبد الرحمن المسجد وقعت عينه على معاذ مرة ثانية وكالعادة تَنّح أول مشافه بس المرادى كان بيصلى ولاحظ فى ذقنه لحية سوداء لم تكتمل النمو بعد ، تزين وجهه لم يلاحظها المرة السابقة لما أثاره من نور وجهه وكأن عبد الرحمن أول مرة يشوف حد بيصلى حس أن الراجل ده بيركع بجد بيسجد بجد المهم دخلوا ...


قال عبد الرحمن لمحمد :
هو معاذ مقيم على طول فى المسجد
محمد : لأ أصل أنهاردة سمعت أن فى درس بعد صلاة الضحى فى المسجد ، أنا هقوم أصلى


قام كل من عبد الرحمن ومحمد للصلاة وطبعا عبد الرحمن نقرهم نقر الديك وخلص بدرى قبل محمد ولما خلص وجد معاذ بيبصله


فقال عبد الرحمن :
هومعاذ كان مراقبنى وأنا بصلى ولا إيه ؟؟؟


ثانى مرة يشعر عبد الرحمن بالأحراج النهاردة وهو لسه بيفكر وجد معاذ فى وشه بسلم عليه ..


معاذ : السلام عليكم ورحمة الله وبركاته
عبد الرحمن : وعليكم السلام
معاذ : وحشتنى والله أنت فاكرنى ولا نسيت
عبد الرحمن قال فى باله : " أنا أقدر أنسى مش أنتى بتاع الكهربا "
عبد الرحمن : أيوه فاكر أنت الأخ ألى كنت بتصلى جمبى أمبارح صح
معاذ : أيوه أنا صح ، إيه رأيك فى الكلية
عبد الرحمن : شغاله ..... يعنى .....
معاذ : معندكش محاضرات دلوقتى
عبد الرحمن : أتلغت
معاذ : طيب خير فى درس هنا فى المسجد بعد صلاة الضحى إيه رأيك تحضره معانا
عبد الرحمن : مش عارف هشوف


وبعد شوية قام واحد وقال إن شاء الله ياجماعة فى درس هيبدأ الأن بعنوان : التوبه
وبعد مخلص الأخ كلامه وجد عبد الرحمن .. معاذ قام من جنبه أستغرب جدا


فقال عبد الرحمن فى نفسه : هو مش قال أنه هيحضر الدرس هو قام ليه ؟؟؟


ياترى معاذ قام ليه
وياترى عبد الرحمن هيحضر الدرس
ولا إيه ألى هيحصل

تابعونا فى الحلقة القادمة باذن الله





من مواضيعى
القائمة الرئيسية لشهداء ثورة 25 يناير
بالصور اشهر المتاحف الاثريه في العالم
شــروط الــوصــيــه
الأحاديث الثابتة في ليلة القدر
طفل أردني عمره عامان يحفظ 20 سورة من القرآن الكريم
اعلان نتائج الثانوية الفنية 2011
فــي رحــاب آيـــــة
"جوجل" تضيف الاتصالات الصوتية المجانية
صور سيارة شفروليه سونيك 2012
( إسبانيا ) بطـل العالـم
صور تتحدث عن نفسها
حكم هجر المسلم لأخيه المسلم ؟؟؟
Skype 4.2.0.169
سبحان الله .. ضفدع أصغر من عود الثقاب
مباراة ودية بين نجوم: السامبا والفراعنه يوم 14 نوفمبر 2011
قرار الفيفا بشأن أحداث لقاء مصر والجزائر خلال عشرة أيام
السعوديه : الخميس 12 أغسطس غرة شهر رمضان
مـوقـع يـرسـل لـك يـومـيـا حـديـث نـبـوي
أوائل الشهادة الإعدادية على مستوى كفر الشيخ ( الفصل الدراسي الثاني ) 2012
مـن روائـع الـشـعـر

facebook
  5  
رد: يوميات شاب مسلم (مسلسل ديني)





الـــحـــلـــقـــة الـــرابـــعـــة


*** راحــت عــلــيــه ***


قام معاذ من جنب عبد الرحمن فتعجب عبد الرحمن لماذا قام ؟؟؟


فقال عبد الرحمن :
هو مش معاذ قال أنه هيحضر الدرس ، طب قام ليه ؟؟


وفجأة !!!


إذا بمعاذ يجلس فى ركن من أركان المسجد ويلتف الشباب حوله وبدأوا بالجلوس فعلم عبد الرحمن أن معاذ هو أكيد أللى هيدى الدرس أستغرب عبد الرحمن فى الأول وكل ماظهر عليه أنه جلس ينظر فى وجه معاذ طويلا وبدأ معاذ بالكلام ....


معاذ :
" بسم الله وكفى والصلاة والسلام على الذين اصطفى لاسيما عبده المصطفى أما بعد " قبل مبدأ الدرس عايز أقول شئ مهم ممكن كتير مننا ميحسش بيه عايز أقول لكم أن كل الناس اللى موجودة فى المسجد الآن ، الله عز وجل اختارهم عشان يسمعوا الدرس ، فى ناس كتير برة لم يرد الله لهم المجىء إلى المسجد ، وكذلك فى ناس من الجلوس معانا ربنا هيختارهم عشان يهديهم بالكلام ، وناس تانية هتسمع وخلاص ، فسبحان الله ، عايزك تستشعر إن الله اختارك أنت وجابك بيته وسمعك كلامه كل ده مش عشان تروح وتنام ..
لأ عشان تشكره على أبسط نعمه من نعمه عليك .......
"


ثم


قطع صمت المسجد رنين هاتف موبايل نظر محمد من أين يأتى فإذا به هاتف عبد الرحمن وطبعا علا صوته بصوت أغنية على أنغام الموسيقى


محمد :
عبد الرحمن أقفل صوت الموبايل لما تخش المسجد لأن هذا يؤذى الملائكة بصوت الأغانى وبيغلوش على أللى بيصلى


قفل عبد الرحمن صوت الرنين وجلس يتابع


أزدحم المسجد وقام محمد ليجلس فى الأمام عشان يسمع ، لم يكف هاتف عبد الرحمن عن الرنين فيبدو أن المتصل يريده أن يرد ، أتحرج عبد الرحمن وقام يرد برة المسجد


عبد الرحمن : ألو
المتصل : أزيك يا عبده أنا حوده فاكرني ولا إيه
عبد الرحمن : أهلاااااااااااااا حوده أزيك
حودة : تمام وحشنى والله أنت فين ؟؟؟؟؟
عبد الرحمن : أنا فى الكلية
حودة : أنا عارف أنك فى الكلية أيوة فين فى الكلية عشان أنا هناك وعايز أشوفك ..
عبد الرحمن : قابلنى عند باب الكلية
حوده : ماشى


قابل عبد الرحمن صاحبه القديم وبعد السلامات


حودة : إيه رأيك تخرج معانا الليلادى الشلة كلها جاية وهتبقى سهرة جامدة
عبد الرحمن : لأ معلش مش هينفع النهارده
حودة : ليه يابنى دنتا هتبسط أوى وأهو نعيش شويه
عبد الرحمن : معلش ملياش مزاج


ووقف عبد الرحمن يهزر ويضحك ويسترجع أيام ثانوى مع صاحبه ومحسش إلا والظهر بيأدن


عبد الرحمن " مفزوع " : هى الساعة كام دلوقتى
حودة : مش عارف تلاقيها 12
عبد الرحمن : ياااااااااااااه الوقت بيعدى بسرعة أوى
حوده : ما تيجى نجيب حاجة ناكلها ؟؟ جعان أوى
عبد الرحمن : لأ جعان إيه انا أصل عندى محاضرة ولا زم أمشى أبقى خلينا نشوفك مع السلامة


أفتكر عبد الرحمن معاذ و محمد والدرس أللى محضرهوش وراح بسرعة عشان يلحقهم ولما وصل وجدهم بيكبروا تكبيرة الأحرام فدخل فى الصلاة الجماعة صلى عبد الرحمن وخرج من المسجد وإذا به يرى محمد مستنيه برة نزل عبد الرحمن مربوك ومشعارف هيقول لمحمد إيه


وفجأه وجد محمد بيقول له ....


محمد : معلش ياعبد الرحمن المسجد كان زحمة أوى ومعرفتش أقعد جنبك أنت كنت قاعد ورا ؟؟؟
عبد الرحمن باندهاش : هه أه
محمد : انا كنت قاعد جنب معاذ ويدوبك سامعه أنت كنت سامع حاجة ورا ؟؟؟
عبد الرحمن : هه أه ... يعنى مش قوى ... يلا بسرعة عشان نلحق المحاضرة


وخرج عبد الرحمن من الموقف بأعجوبه .. خلص عبد الرحمن محضراته ورجع البيت وكالعادة تبدو عليه ظاهرة التتنيح التى تلازمه منذ أن دخل الكلية وطبعا مين هيستقبله غير الأخت عائشة ولسة كانت عائشة هتفتح فمها بكلمة من كلماتها المرحبة لكن قطع عليها جرس التليفون


عبد الرحمن : أنا أللى هرد
عائشة : أتفضل


رفع عبد الرحمن السماعة


عبد الرحمن : ألو
المتصل : أزيك ياعبده أنا ميدو مش فاكرني ولا إيه ؟؟؟
عبد الرحمن : أنا لسه يادوبك داخل وراجع من الكلية
ميدو: أنت لازم تيجى معانا النهارده فى خروجة جامدة وانت واحش الشلة كلها وكلهم عايزينك
عبد الرحمن : ما حوده قالى الصبح وقلت له أنى مش هقدر
ميدو : لأ حوده مين يا عم دى غير بتاعت حوده خالص بجد هتعيش
عبد الرحمن : معلش أصل ورايا كلية الصبح وأنت عارف
ميدو: معانا عربية وهنلف بيها شوية ومش هتتأخر
عبد الرحمن : لأ مادام فيها عربية أنا جاى
ميدو : أنت عارف طبعا المكان أللى بنتقابل فيه ، نتقابل هناك الساعة 8 أوعى تتأخر أنت تخش تنام من دلوقتى عشان تيجى فايق
عبد الرحمن : أه عارف مش هتأخر مع السلامة


خلص عبد الرحمن المكالمة ولم يلاحظ أن عائشة متابعة كل تحركاته


عبد الرحمن : ماما أعملى حسابك أنا هخرج بليل
الأم : هنرجع لأيام الخروج تانى والتأخير أنت يابنى مش دخلت الكلية المفروض تبقى راجل وتتحمل المسؤلية
عبد الرحمن : وفيها إيه لما أخرج بلاش أفك عن نفسى


وهنا جاء كالعادة صوت من الخلف وهو صوت أبو عبد الرحمن


عائشة : بابا عبد الرحمن عايز يخرج مع صحابه الساعة 8 ومعاهم عربية
الأب : عائشة أتفضلى ادخلى الأوده وروحى ذاكرى ، أتفضلى
عائشة :
حاضر
الأب : إنت إن شاء الله بقى رايح فين
عبد الرحمن : لا أبد دا أحنا هنتمشى على البحر بس هنشم هوا
الأب : عارف إن أتأخرت مشهبيتك فى البيت الليلة دى سامعنى أنت وراك كلية بكرة مش فى أجازة فاهمنى
عبد الرحمن : آه طبعا مش هتأخر
الأب : أما نشوف


أتغدى عبد الرحمن وعمل بنصيحة ميدو ودخل ينام


ياترى ماذا سيحدث عندما يخرجون
وهل سيذهب معهم حقا
تابعونا






من مواضيعى
دروس جميله في فريضة الحج
10 اكواب جميله ورائعه
دعــاء الــيــوم
سيف العادل رئيسا مؤقتا لتنظيم القاعدة
مـعـانـي جـمـيـلـه
دعـــاء
نصيحه الى جميع المسلمين والمسلمات
ماحكم الاقتصار على غسل الذراع فقط دون الكف في الوضوء ؟؟؟
هل يجب الغسل عند الدخول في الإسلام؟
جامعة هارفارد تضع آية من سورة النساء على احدى جدرانها تعبر عن العدالة
قصة إسلام أم أبي هريرة رضي الله عنهما
حوار مع مسلمة
مطويات رمضاانية
اعتماد نتائج الشهادتين الابتدائية والإعدادية بالمحافظات
الجزيرة تعد بنقل مجاني لبعض المباريات
مـن هـدي الـنـبـوة
"الحياة"تختار استوديو 23 لتصوير "الحياة سبورت"
غانا تهزم بوركينا فاسو وتلحق بالأفيال في دور الثمانية
أفاست! مضاد الفيروسات المحترف اصدار 2012
بالصور.. وقفة احتجاجية أمام "الصحفيين" تضامنا مع خالد سعيد

facebook
  6  
رد: يوميات شاب مسلم (مسلسل ديني)






الـــحـــلـــقـــة الـــخـــامـــســـة


*** دمـاغـه هـتـنـفـجـر مـن الأسـئـلـة ***


نام عبد الرحمن وقام على الموعد ولبس وخرج للقاء تم اللقاء بين الأصدقاء وبعد العديد من السلامات ركبوا السيارة وأنطلقوا لكافيتيريا أتعودوا أنهم يسهروا فيها ركب عبد الرحمن وقعد جنب الشباك وفجأة مرت بخاطره صورة معاذ أشمعنه الوقت ده بذات


وقال عبد الرحمن لنفسه : صحيح دنا محضرتش الدرس هو آخر حاجة سمعتها إيه .. أنا شاغل بالى بالموضوع بس بجد هو كان بيقول إيه ؟؟ أه أفتكرت أن كل أللى هيحضروا الدرس ربنا أختارهم وقدرلهم الحضور ، وبرضوا أللى هيسمعوا ربنا هيقدر لهم يتهدوا بس أنا محضرتش .. ياترى ربنا مكنش عايزنى أحضر ؟؟
لا لا لا لا لا
طب أشمعنا أنا ؟؟ طب مش عايزني ليه يعنى ؟؟


وفجأة !!!


قال أحد الأصدقاء : إيه ياعم الموضوع ؟ أحنا جيبينك عشان نشوفك ولا عشان تتفرج من الشباك
عبد الرحمن : معلش أصل سرحت أحنا لسه موصلناش
احد الاصدقاء : وصلنا من بدرى وكلهم دخلوا


دخل عبد الرحمن على غير عادته وقعد ولسه الأفكار فى دماغه عايز يلاقى لها إجابه ، ارتفع دخان السجائر من حول عبد الرحمن وهو لسه بيفكر


عبد الرحمن : أنا هقوم أروح
ميدو : أستنى بس هتروح فين دا لسة بدرى
عبد الرحمن : لأ كفاية كده عشان كمان أبويه مستنيلى غلطة ومستحلفلى المرة دي
ميدو : براحتك بس خلى بالك المرة دى متتحسبش


مشى عبد الرحمن وحاسس أن فى حاجة غلط مش عارف إيه


فقال عبد الرحمن : ليه مبقاش زى معاذ ؟ ليه كل ما أدخل فى الصلاة أحس أنى مخنوق ؟ يا ترى ربنا مش عايزنى ؟


دماغ عبد الرحمن هتنفجر من كثرة الأسئلة لكن يبدو أنه بدأ يفكر صح ، رجع عبد الرحمن البيت وفتح الباب ووجد أباه فى إنتظاره نظر الأب إلى ساعته وقال فى سخرية


الأب
: ما لسه بدرى الساعة لسة 11:30
عبد الرحمن وهو مطأطأ الرأس : أصلى مرضتش أزعلك لو أتأخرت فسبتهم وجيت


ورغم أن أبوه كان لسه هيزعق على التأخير لكن حس أن فيه نبرة غريبة فى صوت عبد الرحمن ده مش أسلوبه أللى بيتكلم بيه لكن معلقش على كلامه


فقال الاب
: ربنا يهديك يابنى و ينورلك طريقك


لم يلتفت عبد الرحمن إلى دعوة أباهمازال يفكر ويفكر ويفكر لدرجة أنه دخل الحجرة ونام بملابسة كما هىَ ، نام كل من فى البيت وساد الصمت والهدوء


إلا أنه فجأة !!!!


قطع هذا السكون
رنين صوت الهاتف قفز عبد الرحمن من على السرير وكأنه سمع صوت طلقات مسدس وكان أول من رفع السماعة وتبعه كل من استيقظ على الصوت


عبد الرحمن : ألو .. أيوه أنا .. إيه بتقول إيه إزاى ده حصل .. طيب طيب .. مستشفى إيه لو تسمح .. طيب أنا ربع ساعة وهكون عندك ، شكرا
الأب
: فى إيه يا بنى
عبد الرحمن : لأ .. أبدا .. دا واحد صاحبى عمل حادثة بالعربية ونقلوه المستشفى
الأب
: دا اللي كنت لسه معاه ولا إيه ؟؟
عبد الحمن : أه .. لأ .. أصل .. هو عمل حادثة ولقوا أسمى ورقم تليفونى فاتصلوا بيّه .. أصل هو فاقد الوعى ومحتاج نقل دم .. أنا لازم أروح دلوقتى
الأب
: طب يابنى آجى معاك
عبد الرحمن : لأ متتعبش نفسك أنا مش هتأخر


فتح عبد الرحمن الباب واستوقفه صوت عائشة التى استيقظت هى الأخرى على صوت التليفون


قالت عائشه
: أنت هتنزل بهدومك المكرمشة دى أللى نايم بيها من أمبارح


انتبه
عبد الرحمن فعلا أنه نام فعلا بهدومه ثم عاد إلى حجرته مرة أخرى وغير ملابسه ثم خرج وركب عبد الرحمن أول مواصلة
أمامه إلا أن دماغه مازالت تفكر همّا عملوا الحادثة ازاى دا أنا لسه كنت معاهم ؟؟ دا أنا لسه سايبهم ؟؟ يا ترى إيه إللى حصل ؟؟


يا ترى إيه اللي فعلا حصل لصحاب عبد الرحمن ؟؟
تابعونا فى الحلقة القادمة باذن الله





من مواضيعى
جولة سياحية فى شــــــرم الشيخ
العصائر والماء والزبادى تقلل الاحساس بالعطش فى رمضان
حكم الصلاة في الظلام ؟؟؟
أهـم الـمـواقـع الـكرويـــــة
تسمم أسرة من 9 أفراد فى شمال سيناء
الاسماعيلي يوافق مبدئياً على عرض بالميراس لشراء الحضري
دور المجموعات _ نتائج مباريات كأس العالم 2010
شرح حديث إياكم ومحقرات الذنوب
ســـجـــود الســـهـــو
احذر العشق, اياك وعشق الصور
حكم القول للميت : المغفور له ، أو المرحوم
صفة الحج، وصف الحج، كيفية الحج
اليكي اختي المسلمه برنامج لاستغلال ساعات شهر رمضان
تعريب Yahoo Messenger 10.0.0.1270
بث مباريات العرب بكاس امم افريقيا بدون تشفير 2012
أمـا آآن لكَ يـاقلبى أن ترِقّ !
حفظ التحقيقات فى تعيين نجل مرسى لعدم صحة البلاغ 11 مارس 2013
فـي رحـاب آيـــــــة
ثلاث ايات فقط تجعل (70،000 ) ملك يصلون عليك
حـديث اليــوم

facebook
  7  
رد: يوميات شاب مسلم (مسلسل ديني)





الـــحـــلـــقـــة الـــســـادســـة


*** بـدون مـقـدمـات ***


وصل عبد الرحمن المستشفى ودماغه كالعادة ستنفجر من الأسئلة وذهب إلى رقم الحجرة التى أخبره بها الطبيب فى التليفون فوجد الطبيب يخرج منها ...


عبد الرحمن :
إيه أللى حصل يا دكتور ؟؟؟؟؟
الطبيب : أنت عبد الرحمن
عبد الرحمن : أيوه أنا إيه إلى حصل ؟؟؟؟؟
الطبيب : تعالى معايا لو سمحت


دخل كل منهم حجرة الطبيب


ثم !!!


الطبيب : أنا آسف جدا لكن أنت لازم هتعرف للأسف .. ثلاثة من أصحابك أللى كانوا راكبين العربية أعتقد أن اسمائهم : محمود ، طارق ، رامى .. للأسف كانوا سايقين بسرعة جنونية وأعتقد أنهم حاولوا يتفادوا أحد بيعدى الشارع لكن العربية أتقلبت بيهم وأدى لانفجارها ولحسن الحظ محمود قدر أنه يخرج من العربية قبل ما تتحرق لكن حصله نزيف داخلى حاد واضطررنا لبتر يده وفقد دم كثير عشان كده كلمتك لأننا لم نجد معهم ما يدل على أهلهم و طارق فى العناية المركزة وحالته خطرة . لكن للأسف رامى لم نستطع إنقاذه ....

إنا لله وإنا إليه راجعون


لم يقاطع عبد الرحمن كلام الدكتورطوال حديثه لا يعرف ماذا يقول وماذا يجيب منذ ساعات فقط كان معاه كان بيسمع صوته بيهزر ويضحك لكن فجأة يموت. يموت ولا يعلم عنه شىء . يموت بهدوء . بدون كلام . بدون مقدمات ...


عاودت التساؤلات إلى ذهن عبد الرحمن ثانية :
ياترى لو كنت معاهم كان إيه إللى هيحصل؟؟
ليه سبتهم ؟؟ ربنا نجانى ؟؟ ليه رامى بذات أللى مات ؟؟
ليه محمود إللى يده تتقطع أشمعنا مكنتش أنا ؟؟


قطع أفكار عبد الرحمن قول الطبيب


فقال الطبيب :
أنا آسف لكن هذا قضاء الله لكن أحنا محتجينك ضرورى لانقاذ محمود ممكن تيجى معايا لتتبرع بالدم
عبد الرحمن : أه طبعا
وعاد عبد الرحمن يفكر :
قدر الله .. يعنى هو أللى مخطط لكل ده هو إللى مشانى .. هو إللى قدر لرامى أنه يموت .. طب أشمعنه أنا إللى أنجو من بينهم ؟؟؟


ذهب عبد الرحمن للتبرع بالدم وأعطى الدكتور أرقام تليفونات كل واحد منهم ...


عبد الرحمن :
طب يادكتور إحنا ممكن نزورهم أمتى ؟؟
الطبيب : محمود ممكن بكره أو بعده لكن طارق على حسب حالته
عبد الرحمن : طيب أنا ممكن أروّح البيت دلوقتى وآجى أزوره بكره إن شاء الله
الطبيب : قصدك تيجى النهارده الفجر ناقص عليه خمس دقائق


نظر عبد الرحمن فى ساعته فهو لا يعرف متى يؤذن الفجر .. نزل عبد الرحمن من المستشفى وإذا بصوت لطالما غفل عنه لطالما تجاهله ..


*** صوت الأذان ***

الله أكبر ... الله أكبر
الله أكبر ... الله أكبر
أشهد أن لا إله إلا الله ... أشهدُ أن لا إله إلا الله
أشهدُ أن محمداً رسول الله ... أشهدُ أن محمداً رسول الله
حىّ على الصلاه ... حىّ على الصلاه
حى على الفلاح ... حىّ على الفلاح
الصلاة خير من النوم ... الصلاة خير من النوم
الله أكبر ... الله أكبر
لا إله إلا الله


هل سيدخل عبد الرحمن أم سيعود لينام كما نام من قبل ؟؟
أم كانت اليقظه هذه المرة أكبر من ذى قبل


تابعونا فى الحلقة القادمة باذن الله




من مواضيعى
مـن روائـــــع الشـعــــــر
شيكابالا يتراجع عن قراره وينضم لمعسكر المنتخب المصري
عودة الانترنت والفيسبوك بمصر
21 فبراير إقامة قرعة كأس الأمم الإفريقية 2012
تشكيلة الاهلي في مباراة القمة، 107
حكم زكاة الفطر ؟؟؟
دعــاء يــكــرهــه الــشــيــطــان
عقار "الترامادول" قد يعرض حامله للإعدام فى السعودية
عندما ولد الشتاء
الأهلي يعبر نبروه بسهولة ويلاقي الزمالك في دور الـ16 لكأس مصر
سامسونج تطرح شاحن لاسلكي يشحن بطاريات الهواتف عن بعد، 10 مايو 2012
وفاة جمعة الشوان، 1/11/2011
سيارة سيتروين c4 الجديدة 2012
البرادعي يتقدم مرشحي رئاسة مصر 2011
تونس تهدر الفوز على الجابون ...
بث مباريات العرب بكاس امم افريقيا بدون تشفير 2012
القرآن بالكامل للشيخ احمد العجمي بصيغة mp3
استعلامات الانتخابات الرئاسية المصرية 2012 استعلم عن لجنتك الانتخابية
شبيبة القبائل يعتلي قمة المجموعة الثانية
التعديل الوزاري الجديد بمصر، 17/7/2011

facebook
  8  
رد: يوميات شاب مسلم (مسلسل ديني)





الـــحـــلـــقـــة الـــســـابـــعـــة


*** دمـوع عـيـن ***


ظل عبد الرحمن سائرا وكلما سار كلما ارتفع صوت الأذان وكلما حاول الأبتعاد كلما ارتفع أكثر وكأن قلبه هو الذى يؤذن تذكرعبد الرحمن ذنوبه الكثيره تذكر كم أضاع من الوقت كم نام عن صلاه كم هجر القرآن ..


لكن قالت نفسه :
ياااااه كل ده ممكن يتصلح صعب صعب أوووى لأ ... مستحيل ...


سار عبد الرحمن محاولا الأبتعاد عن المسجد لكن فجأه تذكر عبد الرحمن موت صديقه كيف ُأخذ بغته على غير موعد أرتعد جسم عبد الرحمن وشعر ولأول مرة انه خائف خائف ليموت على حاله


لكن لا يزال عبد الرحمن يقول : لكن برضو مقدرش أصلى ، طب هقول لربنا إيه ، وبأى وش أقف قدامه يارب تعبت بقى .. تعبت ياترى تقبلنى ولا لأ ؟؟


لم يجد عبد الرحمن مفر غير أنه يروح المسجد .. توجه عبد الرحمن لأقرب مسجد يقدم خطوة ويأخر خطوة وبيتلكك لأى شئ يرجعه وأخيرا دخل وأقيمت الصلاة ووقف فى الصف .. ولأول مرة يشعر أنه واقف أمام الله ..


بدأ الأمام بالصلاة وكان عذب الصوت وسمع عبد الرحمن القرآن وكأنه أول مرة يسمعها ،، لكن مازال جسمه يرتعد خوفا من الموت بدأ يسمع ..


وإذا بالأمام يتلو :
(( " وَلَوْ دُخِلَتْ عَلَيْهِم مِّنْ أَقْطَارِهَا ثُمَّ سُئِلُوا الْفِتْنَةَ لآتَوْهَا وَمَا تَلَبَّثُوا بِهَا إِلا يَسِيراً وَلَقَدْ كَانُوا عَاهَدُوا اللَّهَ مِن قَبْلُ لا يُوَلُّونَ الأدبَارَ وَكَانَ عَهْدُ اللَّهِ مَسْؤُولاً * قُل لَّن يَنفَعَكُمُ الْفِرَارُ إِن فَرَرْتُم مِّنَ الْمَوْتِ أَوِ الْقَتْلِ وَإِذاً لا تُمَتَّعُونَ إِلا قَلِيلاً * قُلْ مَن ذَا الَّذِي يَعْصِمُكُم مِّنَ اللَّهِ إِنْ أَرَادَ بِكُمْ سُوءاً أَوْ أَرَادَ بِكُمْ رَحْمَةً وَلا يَجِدُونَ لَهُم مِّن دُونِ اللَّهِ وَلِيّاً وَلا نَصِيراً " ))
الأحزاب -14-17


كان وقع الأيات على عبد الرحمن كوقع السيف ،، وكأن الله يخاطبه كم عاهد الله من قبل ثم ولى دبره ؟؟؟ هل يستطيع الفرار من الموت ؟؟؟ وإن فررت لن أتمتع إلا قليلا وسأعود إليه ووقتها من سيعصمنى منه ؟؟؟


لم يملك عبد الرحمن سوى البكاء بكى بحرقه يريد الفرار لكن إلى أين ؟؟ بكى على سنين ضاعت فى غير طاعة ، ثم جاء موعد السجود فازداد بكاؤه ازداد وازداد حتى بلل الأرض وشعر من حوله به ظل يبكى ويبكى وقام للركعة الثانية وسمع فيها ما هو أشد من الأولى ..


وإذا بالأمام يتلو : (( " قُلْ يَا أَيُّهَا الَّذِينَ هَادُوا إِن زَعَمْتُمْ أَنَّكُمْ أَوْلِيَاءُ لِلَّهِ مِن دُونِ النَّاسِ فَتَمَنَّوُا الْمَوْتَ إِن كُنتُمْ صَادِقِينَ * وَلا يَتَمَنَّوْنَهُ أَبَداً بِمَا قَدَّمَتْ أَيْدِيهِمْ وَاللَّهُ عَلِيمٌ بِالظَّالِمِينَ * قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ " )) الجمعة 6-8


عاد جسد
عبد الرحمن للأرتعاد وتحشرج صوته ثم سجد وظل يحدث ربه بعفويه


ظل عبد الرحمن يقول : أه عاهدتك من زمان لكنى كاذب والدليل أنى مقدرش أتمنى الموت مقدرش أقابلك ومعايا سنين معاصى مقدرش أقابلك وقلبى لسه أسود مقدرش ...


وانتهت الصلاة وقام عبد الرحمن من مكانه بسرعه كأنه يستحى أن يرى أحد دموعه غير ربه وهنا تذكر عبد الرحمن قول محمد ليه إن النجاح يبتدى من المسجد


فقال عبد الرحمن : ياترى بجد أنا هبدأ من هنا ... من المسجد ؟؟


ظل عبد الرحمن يسبح ويهلل قليلا ثم غادر المسجد فى صمت .. وعاد إلى البيت بوجه مشرق حزين وإذا به يقابل اباه على السلم وكان هو الآخر عائدا من صلاة الفجر لكنه لم يخبره عن شئ ..


الأب : إيه يابنى إيه إللى حصل وصاحبك عامل إيه ؟؟
عبد الرحمن : صاحبى ... أه ... أصل هو كان محتاج دم وممكن يفتحوا الزياره بكره معلش يا بابا أنا داخل أنام أصلى تعبان أوى .


دخل عبد الرحمن لينام ولأول مرة يشعر بارتياح لم يتقلب على السرير من الملل أو التفكير،، بل نام مباشرة لكنه لا يعلم هل نام هذه المرة من تعب جسمه أم من ارتياح قلبه ،، ثم ضبط المنبه ليستيقظ فى العاشرة صباحا .


رن المنبه وقام عبد الرحمن عشان يروح يزور صاحبه فى المستشفى


توجه عبد الرحمن للمستشفى وما أن وصل حتى وجد أهل رامى هناك وقد أرتفع أصواتهم بالبكاء والنحيب ووجد أمه منهارة ثم أغمى عليها وتم حجزها بالمستشفى ، وقف عبد الرحمن يراقب ما يحدث ويتخيل نفسه مكان رامى وأهله يبكون عليه ، لم يستطع عبد الرحمن إكمال تفكيره تلك المرة فخرج من تخيلاته هرب منها .. لا يستطيع تخيل ذلك ، إلا أنه فى أثناء ذهوله هذا رن هاتف
الموبايل


أخرج عبد الرحمن التليفون فعلم أن المتصل محمد


عبد الرحمن : ألو
محمد : السلام عليكم
عبد الرحمن : وعليكم السلام
محمد : إيه يا عبد الرحمن فينك مجيتش الكلية النهاردة ليه فى حاجة ؟؟
عبد الرحمن : محمد ... أنا ... أنا ... مش عارف
عبد الرحمن : محمد أنا فى المستشفى 3 من أصحابى عاملين حادثة وواحد منهم مات ... محمد أنا مش عارف أعمل إيه أنا محتاجك جنبى
محمد :لا حول ولا قوة إلا بالله ... إنا لله وإنا إليه راجعون ... طب أنت مش الحمد لله بخير
عبد الرحمن : ماهى دى المشكلة ...أقصد أيوة أنا بخير
محمد : بص أستنانى ثوانى وهكون عندك


أخذ محمد اسم المستشفى ورقم الغرفة وأول حاجة فكر فيها أنه يجيب معاذ معاه أكيد هينفعه كتير فى المواقف دى وفعلا كلمه ووافق أنه يجى معاه وذهب الأثنان للمستشفى


ياترى ماذا سيفعل
معاذ لعبد الرحمن هل سيقسو عليه على غير عادته ؟؟؟
هل سيتقدم عبد الرحمن خطوة أخرى ناحية الألتزام أم سيعود ؟؟؟
ماذا سيحدث لمحمود الذى بترت يده كيف سيتقبل الموقف ؟؟؟


تابعونا





من مواضيعى
ما حكم زيارة النساء لقبر النبي صلى الله عليه وسلم ؟؟؟
100 رسالة موبايل دينية
عـجـائـب فـي خـلـق الانـسـان
حـــديـــث الـــيـــوم
شرح ( ايقاف الرسائل الخاصة )
مـبـروك لأخـتي ( نشوة الروح )
حكم هجر المسلم لأخيه المسلم ؟؟؟
ملف يختص بالاضحيه
مـن هـدي الـنـبــــــوة
مستشرق أراد أن يبحث عن عيوب بالقرآن الكريم فماذا وجد ؟
مصر: مبادرة وزارة الصحة لتوفير الإنترفيرون لمرضى التأمين الصحى
الاهلي والاسماعيلي يواجهان فريقا جزائريا بدوري ابطال افريقيا
إطلاق النسخة التجريبية من متصفح "إنترنت إكسبلورر 9"
غسل الاسنان بشكل منتظم مفيد للقلب
الإسماعيلي : خطابات بالميراس "وهمية" .. وتعرضنا لعملية نصب!
من قصص الصالحين "صفية بنت حيي (الحليمة العاقلة الفاضلة )"
آداب قضاء الحاجة
مباراة ودية بين الاهلي والزمالك لصالح شهداء بورسعيد 2012/2/8
تأخير الساعة 60 دقيقة نهاية الثلاثاء 10 أغسطس
خلفيات سطح المكتب بتصميم راقى ( اسماء الله الحسنى )

facebook
  9  
رد: يوميات شاب مسلم (مسلسل ديني)






الـــحـــلـــقـــة الـــثـــامـــنـــة


*** نـحـو الـقـبـر ***


توجه كل من معاذ ومحمد إلى المستشفى لمقابلة عبد الرحمن . وبالفعل تم اللقاء وأول ما رأى عبد الرحمن معاذ ابتسم وفرح لمجيئه وإذا به حين اقترب منه وسلم على محمد إذا بعبد الرحمن يلقى بنفسه بين أحضان معاذ أراد أن يشعر بالراحة بين أحضان ذاك الفتى وإذا به يبكى ولا يعرف أيبكى على نفسه أم على صديقه لكنه يبكى وإذا بمعاذ يضمه بشده وإذا بضمته تشتد أكثر فأكثر حتى آلمت عبد الرحمن نفسه ..


ثم اقترب معاذ من اذن عبد الرحمن وقال هامسا : كان ممكن تبقى مكانه مش كده


أنتبه عبد الرحمن ومسح دمعه ولا يعرف ماذا يقول


واستكمل معاذ قائلا : كان ممكن تبقى مكانه ... بس ربنا نجاك مش كده أو بمعنى تانى ... أداك فرصة ... خلى بالك ... أغتنمها كويس ... عشان ممكن متتكررش تانى


راود عبد الرحمن شعور الخوف من الموت مرة أخرى


ثم قال عبد الرحمن : معاذ أنا ...... أنا مش عارف ممكن ربنا يقبلنى ولا لأ ؟؟؟ أنا حاسس أنه مش عايزنى ، حاسس أنى مقدرش أرجع
معاذ : عبد الرحمن أنا عايزك تسمعنى كويس ... أولا : بلاش تقول ربنا عايز أومش عايز لأن فعل عاز ده معناه أنه محتاج والعوز يعنى الأحتياج وأحنا مينفعش ننسب لربنا الأحتياج ممكن تقول يريد أو يشاء أفضل... ثانيا : يا أخى من يحجب توبة الله عنك إذا كان غفر لقاتل المائة نفس وإذا كان جاب عمر بن الخطاب - رضى الله عنه - من الكفر للأيمان بعد ما كان المسلمين نفسهم بيقولوا لو حمار الخطاب هيسلم عمر عمره مهيسلم لكن أسلم وربنا تاب عليه
يبأى مش هيغفرلك أنتَ ؟؟



شعر عبد الرحمن ببعض الأمل وأنه ممكن فعلا يتوب إلا أنه قطع عليه تلك الفرحة صراخ أهل رامى وعويلهم وإذا بمعاذ يتجه إليهم مسرعا ليهدئهم ويعزيهم فى مصابهم ويذكرهم أن الميت يُعذب بالنواح والصراخ عليه


ترك عبد الرحمن معاذ وأخذ محمد وراحوا للدكتور


عبد الرحمن : يا دكتور أنا كنت عايز أسالك بخصوص محمود ممكن نزوره ؟؟
الطبيب : هو الحمد لله بأى كويس لكن لسه مفقش من البنج ممكن على بكرة كده إن شاء الله تقدر تزوره أما بالنسبة لرامى أعتقد أن أهله خلصوا تصاريح الدفن وهيتنقل من المستشفى للتغسيل والتكفين
الله يكون فى عونهم



خرج عبد الرحمن من عند الدكتور وهو لسه مش مستوعب أن صاحبه هيتغسل وسيكفن وسيدفن فى قبره عما قريب ..


ثم عاد عبد الرحمن إلى معاذ مرة أخرى


معاذ : أحنا لازم نقف مع اهل رامي فى التغسيل والتكفين ... حالتهم صعبة أوى ومحتاجين حد يقف جنبهم


أستغرب عبد الرحمن من معاذ أللى ميعرفش رامى ولا عمره شافه ورغم كده واقف جنب أهله وكأنه أخوه ، عبد الرحمن ماكنش عايز يروح معاهم فى بداية الأمر لكن لما وجد إصرار معاذ اضطر للذهاب معاهم ، تم تغسيل الميت وحان موعد الصلاة عليه ، ووقتها كانت صلاة العصر دخل كل من معاذ و محمد و عبد الرحمن للوضوء ، ..
وحمد عبد الرحمن ربنا أن محمد كان منبهه على خطأه فى الوضوء قبل ذلك عشان ميتحرجش أمام معاذ


وذهب الجميع لصلاة العصر


فقام الأمام عقب الصلاة ليقول : " إن شاء الله معانا صلاة جنازة على أخونا رامى أسأل الله أن يرحمه رحمة واسعة ويبدله دارا خيرا من داره وأهلا خير من أهله ويعافيه من فتنة القبر ومن عذاب جهنم ويجعل لوالديه سلفا وذخرا وفرطا وثقل به موازينهم وألا يحرمهم أجره ولا يفتنهم بعدهوصلاة الجنازة إن شاء الله أربع تكبيرات بدون ركوع أو سجود الأولى تقرأ الفاتحة ، والثانية الصلاة على النبى الصلاة الأبراهيمية والثالثة الدعاء للميت والرابعة للمسلمين عامة"


وتمت الصلاة


وقام عبد الرحمن بعدها وقال لمعاذ : كفاية كده أوى ممكن أروح دلوقتى بأه عشان أنا تعبت
معاذ : لأ تعبت إيه ، أللى جاى هو المهم
عبد الرحمن :ما خلاص كده هيدفنوه والموضوع هينتهى
معاذ : ينتهى ... ينتهى إيه .. قصدك هيبتدى
، أنت عارف أجر السير فى الجنازة إيه ؟؟؟
فقال معاذ : ولو إنا إذا ما مِتنا تُركنا
لكان الموتُ راحة لكل حىّ
لكننا إذا ما مِتنا بُعثنا
ُنسأل بعدها عن كل شىّ

عبد الرحمن : ليلتك طويلة وليها العجب ، شكلى كده هطرد من البيت بجد المرة دى .. قول .. قول .. أشجينى .
معاذ : بص ياسيدى أللى يصلى على الجنازة بس .. ياخد أجره حسنات مثل جبل ُأحد وأللى يصلى عليها ويتبعها حتى الدفن ياخد حسنات مثل جبل أحد مرتين ،، لأن النبى صلى الله عليه وسلم قال : (( " من اتبع جنازة مسلم إيمانا واحتسابا ، وكان معها حتى يصلى عليها ويفرغ من دفنها فإنه يرجع من الأجر بقيراطان ، كل قيراط مثل ُأحد ، ومن صلى عليها ثم رجع قبل أن تدفن فإنه يرجع بقيراط " )) رواه البخاري
عبد الرحمن : حلو أوى صلاة جنازة كمان وأكفر عن كل الذنوب إللى عملتها .
معاذ : أنت ونيتك بقى ...


تعمد معاذ أن ياخذ عبد الرحمن معاه للقبر وخرج عبد الرحمن وباقى الرجال للسير فى الجنازة وساد الصمت أثناء السير فشعر عبد الرحمن بالملل


فقال عبد الرحمن : محمد هو أحنا ليه مبنركعش ولا بنسجد فى صلاة الجنازة ؟؟؟
محمد : أسأل معاذ هو أدرى منى بالمواضيع دى
عبد الرحمن : طب وأنتَ مشعارف ليه ؟؟؟
محمد : مش عارف عشان نفس السبب إللى خلاك أنت كمان مش عارف !!
وبعدين إيه حكاية مش عارف معاك أنت مش ملاحظ أنك بتكررها كتير اليومين دول !!!

عبد الرحمن : أيوه أيوه غير الموضوع عشان تهرب من السؤال
وهنا التفت معاذ إليهم وقال :
أنا هقولك يا عبد الرحمن أحنا لازم نحط جسم الميت تجاه القبلة وكمان لازم وإحنا بنصلى نتجه تجاه القبلة زى أى صلاة عادية وبكده جسم الميت يبأى قدامنا وأحنا بنصلى فربنا خلانا لا نركع ولا نسجد عشان يبقى الركوع أو السجود لله وليس للميت .. والله أعلم
عبد الرحمن : آه فهمت ... طب ممكن طلب
عبد الرحمن : أنا عايزك تيجى معايا بكرة عشان نزور محمود كان مع رامى فى الحادثة أنا سألت الدكتور وقالى أن ممكن نزوره بكره
معاذ : طبعا هاجى معاك من غير ماتقول دى زيارة المريض واجبه يا أخى


وبعد سير طويل وصلوا أخيرا لمكان القبر كان الجو هادئ بعض الشىء بل موحش لا تسمع إلا لحفيف الريح يمنة ويَسرة . تحرك بعض فروع النباتات التى زُرعت من أجل التخفيف عن أصحاب القبور . ترابٌ هنا وهناك تتناثر حباته مع تمايل الأغصان . صمت رهيب يبيت فيه أولائك الموتى وحدهم كل يوم لا ليسو وحدهم بل يؤنس كل منهم عمله أياً كان مؤمنا أو كافرا طائعا أو عاصيا ...


إنقبض قلب عبد الرحمن ولا يدرى أمن ضيق المكان أم من هول المنظر تقدم عبد الرحمن بخطوات بطيئة مع المتقدمين تجاه القبر لكنه فجأة رأى ما جعله يتسمر فى مكانه تصلب فى الأرض فزع فزعا شديدا ...


ماذا رأى عبد الرحمن ياترى ؟؟؟؟
وماذا سيحدث لعبد الرحمن عند القبر ؟؟؟؟
وكيف ستكون المقابلة بين معاذ ومحمود ؟؟؟؟


أترككم مع تخيلاتكم


تابعونا




من مواضيعى
شرح ادارة وحماية السيرفرات لاصحاب المواقع
أفاست! مضاد الفيروسات المحترف اصدار 2012
اسماء المتوفين والمصابين بحادث الغردقه، 28/6/2011
منزل بالمقلوب يجذب سياح العالم
مؤشرات لارتفاع نسبة النجاح بالثانوية العامه
ترحيب بأختنا ( ميار الجمل )
عصام شرف رئيس لصندوق ضحايا ثورة 25 يناير، 12/7/2011
"الكوكا كولا" و"البيبسي" يحتويان على كميات قليلة من الكحول
تتويج منتخب زامبيا بطل القارة الافريقية 2012
"الفيفا" يبلغ الزمالك بإيقاف الحضرى رسمياً
الفرق بين كلمة نصراني ومسيحي
Captura برنامج خفيف و رائـع لـتصوير واجهـة سـطح المكـتـب
أتعلم أن أول طريق الشفاء هو الصلاة ؟!
احذر وضع فرشاة اسنانك في الحمام
القضاء الإداري : والدة أبو اسماعيل مصرية 100 %، 11-04-2012
اكتشاف 1000 نوع من الكائنات الحية
ACDSee Photo Manager 2009
من قصص الصالحين "تربية نبوية"
التقويم الميلادي 2012
طريقة عمل الصابون فى المنزل

facebook
  10  
رد: يوميات شاب مسلم (مسلسل ديني)





الـــحـــلـــقـــة الـــتـــاســـعـــة



*** لـمـثـل هـذا الـيـوم فـأعـدّوا ***


دخل عبد الرحمن المقابر وتقدم مع المتقدمين لدفن جثة صديقه وإذا به أثناء ذلك يرى ما لفت بصره وثبت قدمه إذا به يلمح امرأة عجوز تجلس القرفصاء عند أحد القبور تبكى وتنوح تضع يديها على القبر حيناً وتمسح دمعها تارة أخرى ثم تعود لتبكى ثانية وبدا له من منظر القبر أنه ليس حديثُ دفن بل تراكم عليه التراب والطين حتى استوى بالأرض فزع عبد الرحمن من شكلها الغريب ..


وبدأ يتسائل عبد الرحمن فى نفسه عنها :
مَن تلك المرأة ؟؟ وما يُبقيها فى ذاك المكان المرعب ؟؟ ولماذا تبكى؟؟ ولمن هذا القبر ؟؟


وكاد عبد الرحمن ينسى دفن صديقه واذا بمعاذ ينبهه


معاذ :
عبد الرحمن أنزل معايا القبر عشان تساعدنى فى دفن الميت ، محمد هيفضل فوق أهلُه أعصابهم منهارة ومحتاجينا ..


إنتبه عبد الرحمن على صوت معاذ وإذا به يقف على شفير القبر ، فكر قليلا فيما قاله معاذ


عبد الرحمن : ما تخلى محمد ينزل معاك إشمعنه أنا يعنى ، خلّيه ينزل وأنا هساعدكم من فوق .
معاذ : محمد جسمه كبير والمكان تحت ضيق ومفيش غيرك ينفع ينزل .


لم يستطع عبد الرحمن أن يجادل أكثر و بالفعل نزل عبد الرحمن القبر نظر عبد الرحمن إلى القبر نظرة سريعة كى لا تعلق صورته بذاكرته ..


معاذ : ساعدنى بالله عليك فى شيل العظم إللى فى كل مكان ده ، عشان نعرف ندفنه ... مالك يا عبد الرحمن ؟؟
عبدالرحمن : لأ مفيش ... بس أصل الريحة فظيعة أوى مش قادر أستحملها .
أبتسم معاذ قليلا ثم قال : معلش شوية وهتطلع متقلقش


بدأ كل منهم يساعد الآخر حتى وضعوا الجثة فى مكانها ثم قام عبد الرحمن يريد الخروج لكن منعته يد معاذ التى أمسكت به ..


قال معاذ : على فين يا عبد الرحمن ؟؟
عبد الرحمن : إيه .. هخرج إحنا مش خلصنا كدة ولا إيه ؟؟
معاذ : لأ لسة .. هنسيبه كده مش لازم نهيأه للحساب
عبد الرحمن : وهنهيأه إزاى؟؟؟؟


تعجب عبد الرحمن من قول معاذ إلا أن معاذ لم يُجيبه وقام يفعل ما فعله الرسول صلى الله عليه وسلم وكلما فعل شيئا زاد تعجب عبد الرحمن بدأ معاذ يأخذ ثلاث حثيات من التراب ويرمى بها فى القبر من جهة رأس الميت


ثم قال معاذ :
تعالى ساعدنى عشان أقلبه على جنبه اليمين ووجّهه للقبلة ..


وبالفعل ساعده عبد الرحمن ثم


قال عبد الرحمن : طيب وبعد كدة نعمل إيه ؟؟
معاذ : ساعدنى بقى فى فك رباط الكفن ..
عبد الرحمن : وهتفكه ليه ؟؟
معاذ : عشان النبى صلى الله عليه وسلم أمر بكده


قام كل منهم بفك الأربطة وفى ذلك كله معاذ يردد :
بسم الله وعلى ملّة رسول الله
بسم الله وعلى ملّة رسول الله



عبد الرحمن : الحمد لله كده خلاص نخرج ؟؟
معاذ : نفسى أعرف أنتَ مستعجل على إيه كأنك مش هتيجى هنا تانى ..
عبد الرحمن : وهاجى ليه .. دا لو حد مات تانى .. لكن المرة الجاية مش هنزل .. هفضل فوق !!!
معاذ : أعتقد إنك لازم تِنزل دلوقتى بمزاجك بدل ما يجى عليك يوم وتنزل غصب عنك .


توجه معاذ إلى جثة الميت وأزاح الكفن عن وجه صديق عبد الرحمن


فقال معاذ لعبد الرحمن : عبد الرحمن قبِّلُه فى رأسه .


فزع عبد الرحمن من وجه الميت وجد وجهه غير وجهه فى الدنيا ، لم يكن بذاك القبح ، تبدلت ملامحه ، واسودت بشرته ، ومازالت رائحة القبر كريهه ، أهى سوء خاتمة ؟؟؟؟


لم يكن يصدق عبد الرحمن قصص سوء الخاتمة التى كان يسمعها من قبل أو لعله لم يستوعبها حتى رأى بعينه وكلما طالت المُدة كلما زاد قبح وجهه ـ فزع عبد الرحمن ولم ينتظر معاذ بل خرج هلُوعاً إلى الخارج تتسارع ضربات قلبه وتتابع أنفاسه خائفا من البقاء فى ذلك المكان


وأخيرا !!


لم ينتظر معاذ طويلا بعد خروج عبد الرحمن فخرج أيضا لكنه خرج بوجه ليس بالوجه الذى دخل به ولمّا رأى محمد طريقة خروج عبد الرحمن وملامح وجه معاذ علم أنهم رأوا شيئا داخل القبر ،.، فاقترب محمد من ظهر معاذ يريد أن يسأله أدار معاذ وجهه فجأة وهو مقطب الجبين ..


ثم قال معاذ : يلا يا محمد أنت وعبد الرحمن ساعدونى فى تغطية القبر بالتراب ..


وبالفعل بدأوا يهيلوا عليه التراب حتى اختفى تماما عن الأنظار


تابعونا فى الحلقة القادمة باذن الله




من مواضيعى
أبو تريكة جاهز للتدريبات .. وعودته للمباريات مع 15 فبراير
مـن روائـع الـشـعـر
حكم من جاوز الميقات دون إحرام ????
التصنيف الشهري من الاتحاد الدولي ، 11 أبريل 2012
عرض رسمي من ليون لضم جدو
السيارة الكهربائية 2012
اعلان نتائج الثانوية العامه بمصر 16/7/2011
سبعة أعراض مرضية يجب عليك عدم تجاهلها
مشاهدة اهداف كوت ديفوار و السودان في دور المجموعات ( كأس أمم الإفريقية 2012 )
برنامج Windows Live Messenger لنوكيا X6
تحويل منطقة الحفرة النيزكية بمصر إلى محمية طبيعية
إسطوانة بداية و نهاية لفضيلة الشيخ أمين الأنصاري
كيفية اداء الصلاة الصحيحة
مـن روائـــــع الشـعــــــر
السعودية تتجه لإلغاء نظام الكفيل، 2 أبريل 2012
شحاتة: انضمام أبو تريكة للمنتخب ليس مجاملة
وفاة والد عصام الحضري
القرآن الكريم للشيخ ( ابو بكر الشاطري ) mp3
A-Patch143b3_WLM9 ( باتش تشغيل اكثر من ماسنجر msn )
فـي رحــاب آيـــــــــــه

facebook

جديد مواضيع  القصص والرويات والحكايات - شارك المواضيع مع أصدقاءك من خلال Facebook Twitter


أدوات الموضوع
انواع عرض الموضوع


جديد مواضيع المنتدى - الاتصال بنا - سهر الليالى - خريطة المنتدي - الأعلى

جميع الحقوق محفوظة لمنتديات سهر الليالى 2012-2013-2014-2015-2016-2017
المقالات والتعليقات المنشورة لا تعبر عن رأي منتديات سهر الليالى ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
آنضم الى معجبين منتديات سهر الليالى